Page 1 of 4

DÚBIDAS MÁSCARA OFICIAL TEMPADA 2020/21

Estimados/as pais/nais/titores, deportistas e directivos/as:

Dende a Federación Galega de Balonmán, a raíz da publicación da máscara oficial da Federación

Galega de Balonmán, gustaríanos realizar varias aclaracións para que non se perda a información

entre federación, clubs e deportistas, pais, nais, titores/as...

¿Por que decidimos xogar con máscara?

A Federación Galega de Balonmán, en colaboración coa Secretaría Xeral Para o Deporte e outras

moitas federacións con similitudes importantes; estivo a traballar dende o mes de maio en

medidas para reactivar o balonmán autonómico federado, mantendo conversas periódicas cos

clubs e informando en todo momento dos avances e previsións que se manexaban. Entre as

medidas adoptadas, baixo a resolución do DOGA do 17 de setembro de 2020, a FGBm optou

polo uso da máscara, principalmente por varios motivos:

- As autoridades sanitarias e diversas asociacións coma a Sociedade Española de Medicina

do Deporte, apoian o uso da máscara na práctica deportiva, coma medida de prevención

ante a covid-19 e que non ten efectos perxudiciais para a saúde.

- A día de hoxe é a medida de prevención máis eficaz contra a covid-19, hai estudos e

evidencias que así o demostran.

- A Federación Galega de Balonmán non ten outro interese que reactivar a actividade para

que o balonmán non sufra un retroceso irreversible a nivel estrutural coma modalidade,

a nivel de número de clubs e por suposto na cifra de adeptos/as e practicantes; algo que

ademais, inflúe en moitos postos de traballos directos e indirectos.

¿Como se tomou a decisión?

Unha vez tomada a decisión do uso da máscara, coma primeiro paso para o regreso do

balonmán, a federación púxose mans á obra para atopar o modelo que mellor se adaptase ás

necesidades dos/as nosos/as deportistas. Despois de probar moitos modelos, de indagar na

fabricación e investigar nas propiedades que debería ter una boa máscara, a federación tomou

a decisión de traballar cunha empresa galega, neste caso Amura Sport, na consecución dun

prototipo que reúna as mellores condicións posibles para a práctica do noso deporte.

O 26 de setembro de 2020, a federación realizou a asemblea extraordinaria, na que se

aprobaron as medidas excepcionais para adaptarnos á situación actual da pandemia. Entre as

Page 2 of 4

medidas propostas pola federación, unha delas era a oficialización de un ou máis modelos de

máscara, os clubs neste caso ao ver o traballo que se estaba a realizar optaron por secundar a

proposta e establecer que este modelo ou modelos foses os determinados pola propia

federación. É importante que a asemblea está formada por 12 xogadores/as, 3 adestradores/as,

3 árbitros/as e 42 clubs; a proposta foi aprobada por 34 votos a favor, o votos en contra e 4

abstencións.

¿Por que se aprobou un modelo oficial de máscara?

Os motivos son varios e diversos:

1. Atopar un modelo que reúna as mellores condicións para a práctica do balonmán e

sobre todo un modelo que nos permita ir mellorando en función da experiencia

adquirida no seu uso, unhas melloras que se deben producir en períodos curtos de

tempo e nos permitan atender a demanda de todos os deportistas.

2. Unha vez que acadamos a posibilidade do regreso da actividade, trataremos de que sexa

dun xeito seguro; a día de hoxe son moitas as empresas que comercializan máscaras

hixiénicas, pero hai certos índices e test que se deben cumprir e realizar para garantir

que son aptas para a práctica deportiva a medias e altas intensidades.

3. Axilizar o traballo aos clubs e monitores/as; os nenos/as e xogadores/as non levan

consigo as homologacións das súas máscaras, ás veces facemos uso de tapabocas que

non reúnen as medidas mínimas esixidas para a súa comercialización, moitas veces por

descoñecemento e outras moitas por descoido; dende a federación pensamos que cun

modelo claramente identificable aforraremos problemas e sustos, e ao mesmo tempo

reforzaremos a nosa imaxe coma deporte.

4. Non debemos esquecer que ás máscaras hixiénicas ou cirúrxicas protexen moito máis a

os demais individuos que ao portador da mesma, por este motivo, cremos que non

debemos escatimar en medidas nin en facilidades para a súa aplicación.

5. A Federación Galega de Balonmán comprometeuse a destinar o 100% dos dereitos de

participación dos clubs na compra de máscaras co obxectivo de que ningún neno/a deixe

de xogar ao balonmán pola imposibilidade de comprar a máscara, feito que para nós

supón un gran esforzo xa que estamos a investir en máis medidas para facilitar o traballo

aos clubs.

¿Que ten de especial esta máscara?, ¿por que este modelo e non outro?

Coma comentamos ao inicio, a Federación Galega de Balonmán, despois de testar varios

modelos de máscaras deportivas, decidiu optar por traballar man a man cunha empresa galega

como é Amura na elaboración dunha máscara que reúna os requisitos básicos para a práctica do

deporte a media e alta intensidade, xa que todas tiñan pegas importantes e que non eran

sinxelas de solucionar, e menos en tempo e forma. Neste período de case dous meses foron

Page 3 of 4

moitos os traballos levados a cabo para concretar o modelo 1.0 da máscara oficial, buscouse o

seguinte:

1. Homologacións: As máscaras contan coa homologación 0065:2020 e os estudos

realizados polos laboratorios amslab (20-005246) e aitex (2020TM2481).

2. Probas de rendemento deportivo: a FGBm dende os seus servizo médicos, realizaron

probas en varios hospitais, entre eles o hospital Povisa de Vigo, realizaronse esforzos a

baixa, media e alta intensidade, estudando as respostas da máscara (en diferentes fases)

en aspectos tan importantes coma a frecuencia cardíaca e a saturación parcial de

osíxeno; as últimas probas realizadas amosaron resultados verdadeiramente bos

(variacións entre o 1 e o 2%), xa que as diferenzas entre levar a máscara e non facelo, a

nivel fisiolóxico, son mínimas.

3. Buscamos unha máscara tricapa (antibacteriana e hidrófuga) e lixeira, que non supoña

a sensación de asfixia, xa que o máis complicado será adaptarse á sensación de portar

unha máscara, sobre todo polas sensacións iniciais; de ahí que insistamos en que a

intensidade e carga de traballo deben ser progresivas.

4. Alta capacidade en filtración bacteriana, superior al 90%, xa que o primeiro obxectivo

é que protexa debidamente aos nosos deportistas ante virus e bacterias. Neste caso

posúe en torno ao 92%.

5. Baixo grao de respirabilidade, é dicir, que o esforzo que haxa que realizar para respirar

sexa o menor posible; neste caso é do 12-13%.

6. Que sexa transpirable, é dicir, que non acumule humidade co sudor, e que non aporte

esa sensación de calor que tanto pode incomodar aos/ás deportistas.

7. Adaptabilidade e confort. Que non se mova e que ao mesmo tempo non permita

filtracións por zonas que non se axusten á forma da cara, a máscara debe tapar

correctamente a nariz, a boca e o queixo.

8. Sistema de suxeición adaptado á modalidade e regulable. Esta máscara é semirríxida e

adaptable, dispón dun sistema de suxeición que non supón un perigo para a práctica do

balonmán, e ademais é regulable.

9. Durabilidade. A máscara consta de homologación para 50 lavados, pero o uso

recomendable é de 20; xa que a partires de aí o índice de filtración bacteriana se reduce

por debaixo do 85%, que segue a protexer, pero menos. Detectamos que é habitual que

as máscaras se promocionen cun alto número de lavados, pero nós preferimos ser claros

co mantemento das propiedades.

10. Un prezo asequible. Entre as máscaras deportivas que maior puntuación están a ter

entre os usuarios, as máis baratas son dun prezo de 13,95€ a unidade. Estas máscaras

teñen os seguintes prezos:

Page 4 of 4

 Pack unidade: 6.50€

 Pack 2 unidades: 11.95€ (aforro de 1.05€)

 Pack 4 unidades: 22.95€ (aforro de 3.05€)

11. Un proceso de compra áxil e que poida facer fronte á demanda en tempo e forma. A

posibilidade de fabricar en Galicia cunha empresa coas garantías de Amura Sport

permite que as máscaras sexan entregadas en cuestión de 5-7 días coma moito a partir

da realización do pedido. A compra pódese realizar online a través da web da FGBm, a

federación tan só enlazou a súa páxina coa tenda online de Amura Sport, non é

intermediara e non saca ningún rédito económico na venda de máscaras; todo o

contrario, ata o de agora leva invertida unha importante partida na realización de

estudos do prototipo e na asunción de parte do coste para que non supere os 6,5€.

12. Un diseño innovador e atractivo, unha boa imaxe. Esta máscara consta de deseños

vistosos e combinables coas camisolas dos clubs galegos; na seguinte versión, terán a

oportunidade de realizar personalizacións.

13. A Federación testou esta máscara en varias ocasións e con deportistas de diferente

condición física, de diferentes modalidades e profesións, e incluso con patoloxías

respiratorias, amosando resultados realmente bos en todas as facetas. Os estudos están

dispoñibles na FGBm para quen queira consultalos.

IMPORTANTE: A Federación Galega de Balonmán non obtén ningún beneficio económico da

venta de máscaras, lonxe dixo, realizou un importante investimento para acadar o modelo

adecuado e un sistema de compra áxil. Ao mesmo tempo a FGBm renunciou aos dereitos de

participación que abonan os clubs participantes na tempada 20/21 para adicar o 100% á compra

de máscaras para os clubs.

Por favor, rogamos que a información que se transmite entre a federación e os clubs non chegue

de xeito sesgado aos pais, nais ou titores, xa que estamos a buscar a máxima transparencia e

claridade no noso traballo, ademais de procurar a máxima seguridade no noso deporte.

Un cordial saúdo:

A Xunta Directiva da Federación Galega de Balonmán.

En Vigo a 17 de outubro de 2020

C:\Users\Usuario\Desktop\logo sello.png

C:\Users\Usuario\Desktop\logo sello.png